Yn sam khusnam ka UDP Mylliem

Shillong,17 Nailur:
Ka UDP Mylliem Constituency Womens’ Wing ka la pyntip ba kan pynlong ia ka jingsam khusnam sha baroh ki samla pule kiba shong ba sah hapoh u pud u sam ka Mylliem Constituency kata naduh ka Lawsohtun sha duh Mylliem bad ka thain Mawreng sharum kiba pass ia ka kyrdan 1st Division ha ka SSLC,ICSE,CBSE Exam 2013. Katei ka jingsam khusnam ka UDP kan long ha ka sien kaba ar kaba la tip kum ka 2nd Academic Award 2013′. Ka seng ka la pyntip ba kino kino ki samla pule kiba kwah ban ioh pdiang ia kane ka Award kin sngewbha ban pynpoi ia ki Xerox marksheet bad ka phone no sha ki nongkitkam jong ka Party ne ha kine ki kyrteng Kong Mira Nongrum bad Federick Lynshiang na Lawsohtun, Kong Mary Kharmih bad Kong Sara Diengdoh na 3mer Lumpdeng, Bah Stephan Lyngdoh bad I Kong Roi Lyngdoh Tron, Bah Spar bad Paduh Nongpiur lane ki lah ban pynpoi ha ing I Bah Hamlet Dohling ha Lummawbah. Ka Tarik ba khatduh ban pdiang ia ki Marksheet kan long ha ka 2 tarik u Risaw haduh ka por 4.00 baje janmiet.