T.10.50 u kwai ksam,T.8.50 u ‘wai naphang, ud ki nongdie ‘wai dong

Shillong,13 Nailur:
Ki paidbah haba ki thied ‘wai dong ha ki thain Motphran ki kyndit ban iohi ba u kwai ba la song ha ka plastik kwai u rit palat bad haba ki la pyrshang ban kylli na ki nongdie ‘wai dong bar it eh u kwai , ki la jubab bay m lah pynmih shuh lada ym phiah rit namar ka dor kwai ka la rem palat. “Ban thied kwai ka long kumba thied ksiar” ong iwei i nongdie ‘wai dong ha Motphran.
U Rupang u la pyrshang ban wad jingtip ia ka dor kwai da kaba leit sha Iewduh ban kylli na ki mahajon die kwai ia ka dor jong u kwai, hynrei haba la poi ha iewduh la lap ba ka dor jong u ‘wai Khasi ba la ksam u shong T.10.50 tyngka uwei bad ka dor jong u ‘wai naphang (Khasi) u shong dor haduh T.8.50 tyngka uwei. Iwei na ki nongdie i la iathuh ba 25 tylli kwai u ‘wai ksam u shong dor T.260 tyngka katba u ‘wai naphang 100 tylli u shong dor T.850 tyngka.
Haba la pyrshang ban wad jingtip ia ka daw ka jingrem dor u kwai baroh ki la ong ba u rem naduh ba thied, ki nongdie ‘wai dong ki la ong ba u rem naduh ki mahajon , ki mahajn ki ong ba rem naduh ki trai nongrep kwai.