Shillong,13 Nailur:
Ka All Meghalaya Contractor & Supplier Association(AMC&SA) ka la ujor da ka mukotduma pyrshah ia ka tnad PWD (Building) ka sorkar jylla da kaba kynnoh ba ka tei ka tnad ka la roit ia ki kontrak jylla ha kaba iadei bad ka Tender Bid Notice jong ka Asian Development Bank ( ADB) Sponsored project for supporting human development in the State of Meghalaya.
Kat kum ka jing bishar bniah ia ki kot ki sla baroh ba la ujor daka AMC&SA da u nongbishar jong ka High court u Justice S.R Sen, bad hadien ba u la sngap bha ia ka jing iatai na ki mutiar jong baroh ar liang kaba long mynta ka sng iu nongbishar badon burom u la pynmih iaka hukum ba shipor, halor kane ka mukotduma da kaba ula bthah ia ka tnat PWD( building) bad kiwei kiwei ki tnat sorkar kiba don bynta ha kane ka project, ba ka dei ban ai iaka jing pynshai halor balei ba ka iing bishar ka donkam ban pdiang ia kane ka jing ujor jong ka All Meghalaya Contractor & Supplier Association bad lada sngewdei ban pynmih pat da kiwei pat ka hukum kan shong katkum ka nia ia pynksan, ha kaba naka liang jong ka PWD ka hap ban ai ia ka jing pynshai kaba bniah halor kane ka kam ,da kaba u la hukum ia ka PWD Building ba kan ai ia ka jing pynshai halor kine ki kynram kynram katkum ka order No. (SH) 267 of 2013 .
Ka Jing ialang ba Kyrkieh jong ka Central Executive Committee jong ka AMC&SA kaba la long mynta ka janmiet ka la rai ban bthah ia baroh ki kontraktor bad company ba kim dei ban thied shuh ia kane ka Tender, namar ba kane ka kam ka dang sah teng hapoh ka iing bishar, tad haduh ynda la pynbeit da kumwei pat,naka bynta ka jingbit jing biang bad ka jing myntoi jong baroh ki kontraktor jong ka jylla.
Phi don ban ong eiei?