Mang ka sorkar, ban pyndep ia ka jaka shohdoh mynta u snem

Shillong, 12 Nailur:
Ka sorkar ka la buh thong ban pyndep noh ia ka jaka shohdoh hapoh mynta u snem. Ia kane ka jaka shohdoh kaba la shna ha ka jingpang pisa kaba T. 22 klur ha Mawiong Umjapung.
“Ngin pyrshang ban pyndep noh ha u Nohprah mynta u snem 2013. Haduh mynta ka jingtrei baroh la dep kumba 70 percent”, la ong u heh kane ka tnad ha ka sngi Palei.
Katkum ka thymmei khubor, ia kane ka jingthmu ban pyndep, la shu antad hynrei ym pat thikna ban dep shisha ne em.
Shwa ia kane, u Symbud Myntri Rangbah barim ka jylla ba peit ia ka tnad Veterinary and Animal Husbandry, u Bah BM Lanong hadien ba la pynlong ia ka jingleit jurip ha u Kyllalyngkot, u la ong ba yn pyndep noh ha u Iaiong ha kaba ka jingtrei ka la sah sa tang kumba 20 percent.
Haba iadei bad ka jingpyrshah jong ki dorbar shnong, Mawiong une u heh sorkar u laong ia kane ka kam la ujor da ka Dorbar Shnong mynshem snem hynrei ka la shu jah hadien bym don ba ia buddien.
Ia kane ka jaka shohdoh, lah ban ot ia ki masi haduh 160 tylli ha ka shi sngi, 240 tylli ki sniang bad ki blang ha ka shi sngi.