Shah kem u snar ka GNLA

Shillong,12 Nailur:
Mynhynnin ka sngi ki pulit ka jylla ryngkat bad ki bor syntiat kiba la ioh jingtip shaphang ka jingdon uwei u snar ka GNLA , ki la pynlong ka jingkhynra kaba jur bha hakaba ki la ioh ban kem ia utei u snar ka GNLA uba la tip kyrteng kum u Partha Pratim Das uba la ju khot sin kum u Rakta Asom Lance Corporal (L/Cpl) , ki pulit ki la ioh ban kem ia u na ISBT Gorchuk.
Utei u lehnoh u dei uba la donkti ban bret bom dalade hi ha Bakoliaghat, Karbi Anglong ha ka 24 tarik u Naitung ha kaba 2 ngut ki briew ki la iap bad 20 ngut ki la mynsaw.
Ki pulit ki la ioh ban kurup kawei ka pistol 9mm pistol kaba la shna ha bar Ri , kawei ka magazine, san tylli ki kuli bad kawei ka mobile kaba don kawei ka SimCard, iathuh u Defence PRO,Guwahati, Lt Col SS Phogat.