U Bah Rowel um pat tip ia ka ILP, ong Bah Paul

Shillong, 11 Nailur:
U working president ka UDP u Bah Paul Lyngdoh u la ong ba ka jingai nia jong u Symbud Myntri Rangbah u Bah Rowell Lyngdoh ba ka Bengal Eastern Frontier Regulation Act 1873 ka dei kaba tklot ka long kaba shibun.
“U Symnbud Myntri Rangbah u dei ban tip ba wat ia ka riti synshar ka ri ruh la shim bad la pynshong nongrim na ka India Independence Act, 1935 kaba la shna da ki phareng. Ka jingai nia u bah Rowel kam don ei ei ka nongrim” la ong u bah Paul Lyngdoh ha kane ka sngi Balang.
Katkum ka jingong u bah Paul, wat ka High Level Committee on Influx ka la ai jingmut ban thaw thymmai ia ka Inner Line Permit (ILP) kaban shim ia ka jingshaniah ia ki jinglong jong kane ka jaka, ka ioh ka kot bad ban pyniahap ia ki kam ba thymmai.Ha kajuh ka por, u Vice president ka UDP State Youth Wing u Bah Hamlet Dohling u la pynrem ia ka jingkren u Bah Rowel.
‘Ka dei ka jingbym don ka jingkitkhlieh jong ka sorkar kaba don ha ka bor bad ym dei ba ka ain ka la rim palat”, la ong u Bah Hamlet.