Shillong,11 Nailur:
Ar taiew kynthih mynta ka shnong Nohron ka la hap ban shu shong khlem bording ilektrik bad kane ka dei namar ka jingduh uwei u Tranformer uba la duh naduh ka 29 tarik mynta u bnai.
Ki nongshong shnong katei ka shnong ki la iathuh ba ka dei ka jingduh u transformer ka dei ka dawbah ban ioh jingkynnoh ha kaba ki la ong ba ka jingduh bording ha katei ka shnong ka ju jia khah wat ha ka por ba u Transformer u dang biang ruh. “Tang shu ing (Fuse) malu mala bad tang shu hap u Barrel tang katta la duh light 2 sngi eiei” ong ka kyrwoh na uwei na ki nongshong shnong katei ka shnong uba la iathuh ba ki nongshong shnong ki hap ban ap haduh ban da wan u nongshna light.
Halor katei ka jingduh light ki nongshong shnong ki la kyrpad ia ka tnad MeECL ba kan shim khia ban maramot noh mar-mar khnang ba ka bording kan ym thut ha ka jingiaseng synod ka ban long ha katei ka shnong ha u risaw. Ki nongshong shnong ki la kyrpad ruh ia ka MeECL ba kan ym khein bai ding na ka bynta u bnai Nailar.
Phi don ban ong eiei?