Ka AMPSTA, ka nongseng ia ka JACATAM, ong Bah Nongsiang

Shillong, 10 Nailur:
Ka Joint Action Com mittee of All Teachers’ Associations of Megha laya (JACATAM) ka la lyngngoh ia ka jingkyntait syndet ka All Meghalaya Primary School Teachers Association (AMPSTA) ba kam treh ban iashim bynta ha ka jingiakhih jong ka JACATAM, da kaba aid aw ba kam tip bha ia ki mat jingdawa. Haba kren mynta ka sngi, sha ki nongthoh khubor, u chairman ka JACATAM u Bah ED Nongsiang u la ong ba ka AMPSTA ka dei kaba donkti lang ban seng ia ka JACATAM kum ka shatri jong baroh ki nonghikai bym dei sorkar ha kane ka jylla.
“Ka jingong ka AMPSTA ba kam tip bha ia ki mat jingdawa jong ka JACATAM ka long kaba sngew lyngngoh. Kumno kim sngewthuh haba la iashong jingialang la iakren iathir lang”, la ong u Bah Nongsiang.
U Chairman ka JACATAM u la ong ba ka long ka bym sngew tynnad ban ong ba ka AMPSTA kam sngewthuh ia ki jingdawa jong ki nonghikai hapoh ka lama ka JACATAM khamtam ba ka donkti lang ban seng ban sain dur ia ka JACATAM ha ki bnai ba la dep.
Lah ban kdew ba hynnin ka AMPSTA ka la pynmih jingthoh ba kam kwah ban iashim bynta ha ka jingiakhih jong ki nonghikai hapoh ka lama ka JACATAM namar ba kam sngewthuh bha ia ka jingdawa jong ka.
Ka la ong ruh ba kan ym kitkhlieh ei ei lada ki nonghikai AMPSTA kin leit iashim bynta ha ka prokram iakhih jong ka JACATAM bad kin tip hi.