Ka Shnong thymmai

Shillong,9Nailur:
U Sordar ka Um tngam Birsiek, U Bah AH Shadap ha ryngkat ka jing iadonlang bad ki riew rangbah u la pynskhem ia ka shnong ba dang shu kha thymmai na ka Umtngam,Birsiek ka shnong Dong Lum Mawtha. Katei ka shnong ba dang shu kha thymmai ka don haduh 40 ing bad ka don ka jingbun briew kaba 360 ngut. Ka dorbar u sordar ka la ai nongrim ing bad kper mar 10 dang shi ing ba kin ioh ban shna ing bad ban rep ban riang.
La pynskhem ia u Bah Juluis Sujai kum u Rangbah ba nyngkong eh katei ka shnong bad ia u bah Kynsai shadap kum u General Secretary ryngkat 8 ngut ki dkhot ka EC. U Sordar u la kyrkhu kyrdoh ia katei ka shnong ba thymmai ba kan nang roi parum pareh ha ka jingbun briew bad ki kam pynroi ba katei ka shnong ka dang donkam ban ioh shibun ki jingiarap na ka sorkar.