Pynkup burom ka Kur Myrthong

Shillong, 9 Nailur:
Ka Kur Myrthong/Marthong jong ka West Khasi Hills, ka la pynkup burom ia ki 10 ngut ki samla pule jong ka Kur na West bad South West Khasi Hills District, kiba wan sha ki kyrdan ba shakhmat ha ki eksamin bapher bapher mynta u snem.
Ia ka jingialang pynkup burom la pynlong ha Govt. LP School New Nongstoiñ, ha kaba u Dr Boss L Marthong u la long kum u kongsan.
Kine ki shiphew ngut ki kynthup ia ka samla Damonlang Myrthong, 1st Class B.Sc (Chemistry), ka Aitihun 1st Class B.Sc (Zoology), u Wanpyniarlang, uba la wan shakhmat B.Tech,Ka Banrisuk 1st Division ha ka HSSLC (Sc). Katba u Raymond Preistly, u Lobingstone, u Pynthymmaibor,u Dajiedbor Bicstar, ka Shahunlin bad u Kmenlang kidei kiba ioh 1st Division ha ka SSLC bad ioh Distinction ha katto katne tylli ki Marks.
Ka Kur Myrthong ka la ai da ka pisa, Momento bad ki syrnod ia kine ki 10 ngut.