Pyllait kot ka Synod College

Shillong, 3 Nailur:
Ka jingialang pyllait kot ka la long ha Synod College ha ka 3 Sept 2013 ha ka por 3baje nohsngi, ha Conference Hall jong ka College. Ha kane ka jingia lang pyllait kot la wan long kongsan da U Bah PN Syiem u CEM jong ka KHADC. Ha kane ka sngi la pyllait ia ar tylli ki kot kiba kyrteng” Ka Kolshor Khasi: ka iktiar u Shynrang bad ka Bhah ka Kynthei
Khasi” ba la pynbit pynbiang da ki arngut ki nonghikai ka Khasi Department ka College I Kong Bygrace Raplang bad I kong D.Syiem bad
“Ka Poitry u D.S.Khongdup” ba la thoh da I Kong Bygrace Raplang. Haba kren kum u kongsan ha kane ka jingialang U Bah PNSyiem u la ai ka jingiaroh ia ka Khasi department Synod College kaba la shim ia ka jingkit khia ban pynmih ia kine ki kot.
U la ong ruh ba ha ka jingthoh shaphang ka kolshor ka la don shibun kiei kiei kiba ngi dei ban tip bad kiba imat ngi la kum klet noh.
Kane ka kot kan iarap ban pynkynmaw ia ngi ia kiei kiei kiba ki longdien ki dei ban tip kiba lah ban jah noh lada ym buh jingthoh ia ki.
U la ong ruh ba na ka liang jong ka Council ruh kan sa pynlong ia Monolith festival ha Mawphlang kum shi bynta ban pynneh pynsah ia ka kolshor bad yn sa buh ruh ia ka Museum ha katei kajuh ka jaka.
Ha kane ka jingialang la ioh ruh ia ka jingkren na u Principal ka College, I Dr.D.Wanswett . La kren pdiang sngewbha ia ki nongwan da I Kong C.Pariat Vice Principal bad la ai khublei da I Kong Bygrace Raplang , Head Department Khasi.