Dkut ka jingkieng Ranikor, shah ktah 70tylli ki shnong

Shillong,3 Nailur:
Kumba 70 tylli ki shnong kiba hap ha khappud ka Meghalaya bad Bangladesh ki la shah ktah hadien ba ka jing kieng Ranikor kaba pyn iasoh ia ka Ranikor bad ka Borsora-Nongjri ka la dkut noh mynhynnin ka sngi. Ha katei ka jingbym lah shuh ban iaid lyngba ka katei ka jngkieng, ki mar ki mata bad ki kali ki la hap ban leit phai biang sha ki jaka ba ki wan bad don pat kiba la shu sah kut noh ha shiteng lynti.Ha katei ka jingjia haduh mynta ym pat shym la iohi dak eiei na ka liang ka tnad PWD ba kan leh eiei halor katei ka jingdkut noh katei ka jingkieng.
Katkum ka jingia thuh u Bah Nassar Mar weñ, Sordar ka Nongum sur uba long ruh u President barim ka Meghalaya Mine Owners and Exporter Association (MMOEA), u la ong ba haduh 70 tylli ki shnong ki la shah ktah namar ka jingthut ka leit ka wan lyngba katei ka jingkieng kaba long ka pdeng jong ka leit ka wan jong ki.
Ki nongialam shnong bapher bapher kiba hap hapoh ka Federation of Border Village Headmen Association ki la phah ia ka jingpyntip jong ki sha ki bor sorkar bakynthup ia u Deputy Commissioner ,South West Khasi Hills ban leh eiei noh mardor ia katei ka surok kaba pyniasoh ia kiba bun tylli ki shnong.