Ki shnong kiba hap ha ka raid Nongtung Villages ki la maham ia ka sorkar ba ka dei ban pyn rung kyrteng ia ki hapoh Meghalay lym kumta kin rung noh sha ka jylla Assam. La ong ba kala dei ka por ba ka jylla Megha laya kan rai ba ia u pud u sam la kin hap u hap hapoh ka jylla Meghalaya ne ka jylla Assam.
U Syiem jong ka Raid Nongtung u Bah Mewell Shadap haba kren hynne ka sngi Balang sha ki lad pathai khubor u la ong ba baroh ki shnong kiba hap hapoh ka Raid Nongtung ki don kumba 36 tylli ki shnong kiba hap hapoh ka bor jingshynshar jong ka jylla Meghalaya.
“Ngi dawa ba kine ki shnong jong ka Raid Nongtung, Hima Khyrim Syiemship ki dei ban ong ka Hima Nongtung ym ka Block II “, la ong u Syiem ka Raid Nongtung namar ba baroh ki paidbah nongshong shnong kiba hap hapoh kine ki shnong ki la pynrung kyrteng hapoh kane ka jylla.
U la ong ruh ka sorkar Assam ka la thombor ia kine ki nongshong shnong ba ki dei ban pynrung kyrteng noh hapoh ka ka jylla Assam.
U Syiem ka Raid Nongtung u la ong bar uh ba ka Meghalaya ka la long artatien ban kam ia kumba 15 tylli ki shnong bad na kane ka daw, ka la ioh shim kabu ei ka Assam.
U Bah Aloyus Bina u la ong ba u Chief Electoral Officer (CEO) jong ka Meghalaya ba un pynshai ia ki nongshong shnong kiba hap hapoh ka Raid Nongtung ki dei ki nongthep vote jong ka Meghalaya, khnang ban khang lad ia ka jingbuh kyrteng ar tylli sha Meghalaya bad sha Assam”.
U Bah Bina u la dawa ba ka sorkar jylla Meghalaya ka dei ban pynbiang ia la u pud u sam sha ba ka jylla kan dap pura san phew snem.
Ha kajuh ka por, ka Raid Nongtung ka la kyrshan ia ka jingdawa jong ki sengbhalang kum ka KSU, CORP, HANM bad ka RUPA ba ka sorkar ka dei ban weng noh mardor ia ka khyrdop kaba la pynieng da ka Assam ha Jatalong bad ha shnong Sabuda bad ha jaka jongki, ka dei ban pynieng da ka Meghalaya police outpost ban iada ia ki paidbah basah ha katei ka thain.
U president ka RUPA u Bah Alos Nongpoh u la ong ba ka jingdon jong ka Assam battalion ha Sabuda ka la wanrah ia ka jingeh bad ka jingbym shngain ia ki paidbah. U la ong ba ia ka khyrdop la tei beain da ka Karbi Anglong Autonomous District Council bad ka jingdon sa ka Assam Forest ka la nang pynsniew shuh shuh ia ka jinglong jingman ha kaba ki nongrep ki la shah khrong ia ki mar rep jongki.
Phi don ban ong eiei?