Shah wiang ding ka kali U ADM

Shillong, 2 Nailur:
Ar ngut ki suba dkhot ka seng HNYF u samla Shanborlang Kshiar (30 snem) na Mawlai Phudmuri bad u samla David Ryngki (23 snem) na Mawlai Mawdatbaki ki la shah kem halor ka jingsuba donkti ban siat da ka jri u bulb light-emitting diode (LED) uba leit dei ha kali jong u Dr Sandy Syiem bad ka la mong.
Katkum ki pulit kine ki briew ki la siat da ka jri ia u bulb uba buh ha katei ka jaka sumar u light-emitting diode (LED) bad u la dei ha ka kali jong Dr Sandy kaba la buh ha phyllaw jong ka Sanker, kaba don ha Mawlai Mawroh. Kane ka la jia ha ka step phyrngab shwa ka kynta pakhang shnong ki sengbhalang.
Ki pulit ki la ong ba lada kine ki ding jingshai kin dei ha u briew kin mynsaw jur bha, hynrei ha kane ka jingjia ym don ba mynsaw lait noh ka kali kaba la mong na ka jingdei jong kitei ki LED.
Ha kane kawei ka jingjia, ki runar ki la wiang ding ia kali jong u Additional District Magistrate u Bah Donny M Wahlang ha Demthring. Ka kali jong u Bah Wahlang ka la ing malu mala na kane ka jingpyrshang thang ki runar.