Khynniuh ka Langkyrding ba bthei ka bike shiteng miet

Shillong, 1 Nailur:
Hynnin ka sngi shi teng synnia ka shnong Langkyrding ka la kyndit thret khamtam kito kiba don hajan ba bthei kawei ka bike Impulse (MLO5 J-3405) ha ka por kumba 12:30 mynmiet. Ka rukom bthei ka long kaba jam bha kumba sawa bthei bom haduh ba don kiba kyndit ruh naba thiah ha ka jingkynoi ka miet.
Kong N Wankhar iba dei I lok jong u Bah V Richard Nongsiej I la iathuh ba la suba jur ba ka jingbthei jong ka bike dei da ka jingthang dusmon jong ki runar haduh ban da pra phum. “Ngim tip mano ba wan thang, hynrei hadien ba la ioh sngew ia ka jingbthei, ngi leit peit ka dei ka bike jong ngi”, la ong I Kong Wankhar.
La iathuh ba mar iohsngew ia ka jingbthei kumta hi mar mar kila mih ban peit bad la iohi ba ka dang meh ding bad mar kumta ki la pyntip sha ki pulit kiba la wan peit ia katei ka bike bad ma ki, ruh ki la ong ba la don ba thang dusmon ia ka.
Katkum ka jingiathuh jong I trai la ong ba kitei ki runar ki la pyndonkam da ka petrol ban thang ia katei ka bike ha ka por ba ki dang ioh thiah bha.