Shillong, 15 Naiwieng:
U bah Nehru Suting u lah shong thait mynta ka sngi na ka kam kum u director ka Industries ban pynthikna ialade ban iakhun na ka UDP na Pynursla ha kane ka elekshon MLA ban wan.
Katkum ka khubor na ka UDP, la iathuh ba u la pynthikna ban iakhun na ka UDP ha kane ka elekshon pyrshah ia u MLA ka Congress uban phet seng noh shen, u Bah Prestone Tynsong.
Katkum ka thymmei khubor ba iajan bad ka party UDP, ia ka kyrteng jongu lah ban pynbna noh ha ka thup kyrtong kaba ar, ka ban long ha ka 17 tarik mynta u bnai da ka UDP.