700 ngut, ioh jingsumar ei ha Nongum Presbytery

Shillong, 30 Nailar:
Ka Nongum Pres bytery kum kawei na ki lad jingshakri ia ki para mynsiem ka la shim ia ka synjam ban kner la ki kti ban iarap ia ki breiw kiba pang ba shitom da kaba pynlong ia ka jingai dawai ei ha shnong Nongum ha ka 29tarik Nailar 2013. Ia kane ka programme ai jingsumar ei la pynbeit da ka SELD Committee jong ka Presbytery. Ha kane ka sngi ki doctor bad ki nurse jong ka sorkar Meghalaya ba la phah da u DMHO West Khasi Hills, ki la wan iarap sngewbha ban ai dawai ia ki briew na ka bynta ki jingpang ba pher ba pher bad kumjuh ka Bawri Nethralaya ka la wan ban ai jingsumar ei kyrpang na ka bynta kiba don ka jingpang ha ki khmat jong ki.
Palat 700 ngut kiba don ka jingshitom ha ka met jong ki, ki la ia tuid na kylleng ki shnong kiba marjan sha katei ka Health Camp bad ki la ioh mad ia ki jingkyrkhu na katei ka camp. Ha katei ka sngi ka lah don ruh ka jinghikai ia ki briew kumno ba kin nang ban iada na ki jingpang jingshitom da ki doktor ka Nongum PHC bad Bawri Nethralaya. Ki Medical team ki la batai ruh ia ki scheme jong ka sorkar kaba ka don ban leh na ka bynta ki briew bad ba kin tip ia ki kabu kaba ka sorkar ka pynbiang na ka bynta kiba pang ba shitom.
Ia ka jing ai dawai ei, la plie da u Moderator ka Presbytery, TBn. S.D. Lyngdoh. Kiwei pat kiba la ai jingkren ki long u TBn Boldness L. Nongum uba long u Chairman ka SLED, u Rev. A. Rymmai Executive Secretary bad ia ka meeting la pyniaid da u Rev. N.O. Kharlukhi.