Pynursla, 12 Naiwieng:
Ka Raid Shabong, ka la ioh Sordar thymmai, hynnin ka sngi, ha ka jing ialeh kaba lai ngut, ban iaknieh ia katei ka kam Sordar jong ka Raid.
U bah Biggestson Lyngdoh, ula jop ia ka elekshon Sordar jong ka Raid Shabong, kaba la pynlong hynnin ka sngi, da kaba u ioh 1,682 vote, da kaba tam 495 vote ia uba wan ba ar, U Bah Kaleptor Khongdup. U Bah Biggestson Lyngdoh, u ioh 1,682 vote, U Bah Kaleptor Khongdup, u ioh 1,187 vote bad U Bah JS Jeffrey Khonglam, uioh 136 vote. Baroh kiba thep vote, ki long 3,005 vote bad kiba la shah kyntait ki don 62 vote.
U Bah Biggeston, un shimti ia katei ka kam, na U Bah Herin Khongngai, uba dei U Sordar, uba dang bat ia katei ka kam haduh ha kine ki sngi.
U Bah HP Pyngrope, uba dei U Chairman ka Election Committee jong ka Saw Raid, u iathuh ha U Rupang, ba ka elekshon, ka long kaba iaid beit iaid ryntih.
Ki nongthep vote jong ka Raid Shabong, ki don 4,024 vote baroh. Ki jaka thep vote, ki long ha Laitmynrieng, Pynursla, Urksew Wahpathaw, Mawpran, Pynter, Siatbakon.