Shah kem 7ngut, ki khar Bangla

Shillong, 29 Nailar:
Ki pulit shnong ne ki Village Defence Party (VDP) jong ka shnong Sutnga kaba hap ha East Jaintia Hills ki la ioh bat hynniew ngut ki khar Bangladesh kiba wan rung beain sha katei ka jaka ha ka step sngi Balang.
Katkum ka khubor na ki pulit, kitei ki VDP ka shnong ki la ioh bat ia kitei ki khar Bangla ha ka por hynniew baja mynstep.
Kine ki khar bangla kiba shah bat la ithuh kyrteng kum u Md. Ismai Ahmed, Md. Kamal Uddin, Md. Anib Ali, Md. Hassan Ahmed, Md. Ibrahim Ali, Jaggaria Ahmed bad u Md. Rahul Amin.
Hadien ba la bat ia ki, ki VDP ki la leit aiti noh sha ki pulit ha Khliehriat Police Station.
Ha kawei ka jingjia, ha ka por 2 baje mynsngi, uwei u dkhar uba la tip kyrteng kum u Tinku Chakraborty u la rahbor ia kawei ka samla Khasi kaba la tip kyrteng kum ka kong Anita Nongrum na Rynjah, Shillong. Ki pulit ki dang pynlong ia ka jingtohkit bad ban kem ia une u runar nongrahbor kynthei.
Shuh shuh ha kawei ka jingjia, hynnin ka step por 2.30 baje eiei, ki runar ki la rong tuh ia kawei ka kali Maruti Gypsy (ML-05E-7063) kaba dei jong u Bah Justice Lyngdoh na shnong Rymbai kaba hap ha East Jaintia Hills.
Hynrei ha kane ka juh ka sngi, ki pulit ki la ioh biang ia kane ka kali na Bhangarpar, Cachar kaba don ha Assam bad la kem ruh ia u Dhona Bordoloi (28 snem) bad u Md. Scroz Khan (19 snem).