Lada ioh dkhar ai jait sha u: KSU

Shillong,28 Nailar:
Ka KSU Mawkyr wat Circle ka la maham tyngeh ia ki Thei Khasi ka thain Mawkyrwat ba kin ioh lok dkhar bad kumjuh ruh ia ki kmie ki kpa jong ki ba kim dei ban pynshlur ia ki khun jong ki ban ioh lok da u dkhar bad lada ki kwah ban ioh da u dkhar ki dei ban ai jait ha u bad ban bud shisyndon ia u ym ban dang leh trai khlieh hapoh ka Ri-Khasi tang na ka bynta ka jingmyntoi shimet jong ki.
Shuh shuh ka seng ka la dawa na ka sorkar ba la pynkup bor ban iada ia ka khyndew ka shyiap , ki riti ki dustur bad jinglong kyrpang ka jaitbynriew kum ki District Council (KHADC) ba kan shimkhia halor kamat shongkha khleh kaba lah ban wanrah ia ka jingduh jait ka jaitbynriew.Ka KSU ka la dawa ruh na ka KHADC ba ka dei ban ym ithuh Khasi shuh ia kiba ioh lok dkhar.