2 tarik, jingialang ki kontraktor

Shillong,29 Nailar:
Ka All Meghalaya Contractor & Supllier Association ( AMC&SA) kan pynlong ia ka jingialang paidbah ha ka 2 tarik mynta u bnai ha State Central Library, haka por 12:00 baje mynsngi ban iakren halor kiba bun ki kam ba iadei bad ki kontraktor. Katto katne na ki mat ba ka seng ki kontraktor ki la buh ban ia kren ha katei ka jingialang ki long ia ka rukom pyllait bill ki tnad sorkar sha ki kontraktor, ki project bad ki scheme kiba wan sha kane ka jylla ba ki dei ban pynmyntoi ia ki kontraktor jylla, ka Asian Development Bank Sponsored Scheme ban pynbha iaki Skul ha Jylla Meghalaya, Ka Exemption Certificate Income tax bad kiwei kiwei ki jingeh jong ki contractor.
Ka association ka la kyrpad ia baroh ki kontraktor ka Meghalaya ba kin ia poi khnang khnang sha katei ka jingialang ha katei ka sngi, katkum ka kyrwoh ba la pyllait da u BL Nongbri General Secretary AMC&SA.