3bnai shongkai ka skul Mawryngkneng

Shillong, 28 Nailar:
Ka Khasi Students’ Union (KSU) Mawryng kneng hynnin ka sngi hapoh ka jingialam u President Samla Peter J Lawai ka la byrthen hakhmat u Deputy Director ka School Education and Literacy halor ka jingbym don nonghikai ha Government Upper Primary School Mawryngkneng kumba la 3 bnai tam ei ei.
Ka jingbym don nonghikai ha kane ka sorkar sorkar, ka la pynbitar jur ia ka seng namar ba kan ktah ia ka pule puthi jong ki khynnah.
Ka seng ka la pynpaw ia ka jinglyngngoh halor ka jingbym don nonghikai jin haduh lai bnai. Namar kane, ka seng ka la iakynduh kyrkieh ia u Deputy Director bad la dawa ba ki dei ban thung nonghikai noh mardor ha kane ka skul khnang ban nym ktah ia ka pule dangle bad ia ka lawei ki khynnah skul.
Katkum ka jingong ka KSU Mawryngkneng u Deputy Director u la kular ban thung noh shwa da ki nonghikai ba shipor (Officiating teacher) khnang ban nym ktah than ia ki khynnah skul bad na ka liang ka seng kan dang iai ap shwa shipor ba lada ka jingkren kam seisoh ka seng kan shong pyrkhat bad wat ban iaid noh da kawei pat ka lynti kaba tyngeh.