Shillong, 22 Risaw:
Ka kong Probetty Nongpluh -Vice President BJP Mahila Morcha Meghalaya ka la risaiñ noh na ka seng BJP naduh ka 19 tarik mynta u bnai. Ka kong Nongpluh ka la ia khun teng ha ka elek shon MDC na Mawkhar konstitwensi.
Haba ia kren bad u Rupang ka kong Nong pluh ka la ong ba ka la risaiñ noh na ka BJP namarba kam don jingkyr men satia ban ioh tiket na katei ka seng ha ka elekshon MLA 2018. Ka la ong ba ka por kam shah shuh ia ka ban dang ap shi ap ia ka rai jong ka BJP hynrei ka hap ban iaid shakhmat naba ka la kut jingmut ban ia khun ha u 2018.
Na ka jingiakren bad ka kong Nongpluh la sngewthuh ba ka jingduh jingkyrmen jong ka ban ioh tiket BJP ka dei hadien ba ki sur ki la sawa jam ha Pynthor-Umkhrah ba u bah A.L Hek un ia khun na ka seng BJP. Haba la kylli hato u bah Hek un ia khun na ka BJP ka la ong “Phi ki nongthohkhubor phi ia kham ia tip kham bha ia kata” rkhie ka kong Nongpluh.