Phet krad ka kali pynpra nap pulit

Shillong,27 Nailar:
Ha ka step 9 tarik mynta u bnai ha ka por 10:30 baje eiei mynstep ki pulit ki la khap-nap ia kawei ka kali kaba don ia u Registeration nombar ML-04-B1290 ( Tata Mobile) kaba pynieng ha khmat ka Nazareth hospital ha ka jaka bym shah ban pynieng kali hynrei ha ka por 1:30 baje eiei nohphai sngi katei ka kali ka la phet krad da kaba pynpait ia ka nap ba ki pulit ki la khap. Ka khubor na ki pulit ka la iathuh ba mynta ka sngi u OC ka Laitumkhrah u la lap ia katei ka kali ha Saitsama bad la kem ia u nongniah u ba la tip kyrteng kum u KromlinRymbai 31 snem karta na ka bynta ka jingtohkit bad ki pulit ki la kurup ruh ia katei ka kali.