Shah thok pisa da ki lak

Shillong,27Nailar:
U Bah Livingstone Mawlong bad 8 ngut kiwei pat na Mawiong Rim, shillong ki la ujor sha Mawlai PS ba uwei u briew uba la tip kyrteng kum u Albert Diengdoh u la thok pisa haduh T.43 hajar tyngka. Ki pulit ki la kem ia u Albert ha kaba ki la lap ruh ba utei u juh u briew u la thok pisa haduh T.1.24 lak tyngka na u bah William Thabah. U Albert u ju byrngem byrsit ia ki haba ki la leit ban pan na u ia ka pisa kaba ki la shah thok ha ki.
Shuh shuh u Bah Reston Jala u la ujor sha Mawlai PS ba ha ka 15 tarik u Nailur jong u snem ba la dep uwei u briew uba tip kyrteng kum u Phulson Nongkynrih u la thok pisa ia u haduh T.8 lak 32 hajar tyngka. Ki pulit ki dang pynlong ka jingtohkit.