Nongstoiñ, 27 Nailur:
Ka seng Hyññiew-trep Youths’ Council (HYC) Lai Lyngdoh area Unit, ha ka sngi ba ar jong ka taiew, ka la leit ban iakynduh ia u JE ka Bharat Sanchar Nigam Limited (BSNL), Nongstoiñ halor ka jingbymbiang bad ba thut khah khah ka Network ha ka thain Byrki mynta la katto katne bnai.
Katkum ka kyrwoh khubor na u Samla Fullbackstar Shangrit, nongialam ka HYC u la ong ba katei ka jingleit ia kynduh ia u JE ka BSNL kadei ruh hadien ba ka Seng, ka la ioh pdiang ia ka jingud jingnam jong ki paidbah halor ka jingthut jong ka network ha katei ka thain.
Shuh shuh u la ong ruh ba ha katei ka jingleit ia kynduh jong ka seng na ka liang jong u JE ruh u la kubur ba kadon shisha ka jingthut jong ka network ha katei ka thain bad ka daw kadei ruh namar ka jingshah ot noh ka bor ding ilektrik na u tower u ba don ha ka shnong Sangriang na ka daw ba ka ophis jong ka BSNL ha kitei ki khyndiat bnai kam shym pat la lah satia ban siew dep ka bai bording sha ka MeECL.
Hynrei na ka liang jong u tei u Enjiniar u la ong ba ruh ba ia mynta na ka liang jong ka ophis BSNL kala dep ban leit siew ia ka bai bording jong u tei u tower sha ka ophis MeECL ia kaba ki dang hap ruh ban ap mynta tad haduh ba ka MeECL kan leit ban ai bor ding biang ha u tei u tower ha kaba u la kular ruh ba ha kine hi ki taiew ban wan un sa pynbiang noh ia ka network kumba ka ju long.