Ia ka ILP, tang ka sorkar jylla la biang: FKJGP

Shillong,25 Nailar:
Ka Federation of Khasi, Jaintia and Garo People (FKJGP) ka la pynpaw ba ka jingong u Chief Secretary ka jylla ba ia ka Inner Line Permit (ILP) donkam ban pass da ka Parliament ka long ka bym lah ban pdiang. Ka FKJGP ka la ong ba kat kum ka Section 1 bad 2 jong ka Regulation ka la kren shai kdar bad ai bor ia ka sorkar Meghalaya ban pyntreikam ia ka ILP tang da kaba shu pynbna da ka Notification lyngba ka Official Gazette ym ban Pass da ka Parliament.
Shuh shuh ka seng ka la ong ba ka jingkren jong u CS kaba iadei bad kita ki jingeh ne jingdkoh bad ba donkam ban pass da ka parliament ban pyntrei kam ia ka Innerline permit hapoh ka Jylla ki long ki bym shai. Ka seng ka la kdew ruh ba lada ki jylla kum ka Nagaland, Mizoram bad Arunachal Pradesh ki lah ban pyntreikam khlem ka jingdkhoh bad khlem ka jingpynwit ia ka roi ka par, ki kam jngoh kai pyrthei , ka khaii ka pateng kaei pat ka daw ba la pynlong ia ka Meghalaya bay m lah ban leh kumba leh kitei ki jylla.