Kyrshan ka MCTA, MUPSTA ia ka JACATAM

Shillong,25 Nailar:
Ka Meghalaya College Teachers’ Association (MCTA) ka la pynpaw ba ka kyrshan tyngeh ia ka jingiakhih ba la khot pynlong da ka Joint Action Committee of All Teachers’ Associations of Meghalaya (JACATAM) naduh ka 27 tarik mynta u bnai bad ka Association ka la khot la wer lang ruh ia ki dkhot bad Unit ka Association ban ia snoh kti lang ha ka jingiakhih na ka bynta ka jingnang jingstad ha ka jylla, ong ka kyrwoh na u Bah Batskhem Myrboh General Secretary , MCTA.
Shuh shuh na ka liang ka MUPSTA Ri-Bhoi ruh ha ka CEC jong ka kaba la long ha ka 24 tarik mynta u bnai ha Nongpoh Nepali UP School ka la rai ban ai ka jingkyrshan ba pura ia katei ka jingiakhih jong ka JACATAM ka ban sdang naduh ka 27 tarik mynta u bnai haduh ka 5 tarik u bnai ban wan.
Ka seng ka rai ban pynlong ia ka jingiakhih ka ban sdang ha ka 27 tarik da ka sngi deng lama iong, 29 da ka sngi sangeh treikam. 3 tarik da ka jingshim shuti, 4 tarik ka Dharma (shong kyllain myngngor) ha Nongpoh bad 5 tarik ka Rally ha Shillong. Ka seng ka kyrpad ia baroh ki para nonghikai Upper Primary School ki ba don ha Ri Bhoi District ba kin ia shim bynta shitrhem ha baroh kitei ki Prokram ia khih , ong ka kyrwoh na u Bah R.R Ronghang,
President MUPSTA Ri Bhoi District.