Sei tuh pisa T.60hajar na Bank

Shillong, 23 Nailar:
Ka Dr.Kong Christina Lyngdoh ka la ujor ha Laitumkhrah PS, ha kaba ka la kynnoh ba ha ka 22 tarik `Nailar ha ka por kumba 3 baje mynstep, ki runar ki la sei tuh T.60 hajar ka pisa na ka account jong ka ha Central Bank of India, Laitumkhrah Branch, Shillong. Ki pulit ki dang tohkit ia kane ka jingjia.
Ki dkhot jong ka United A`chik Liberation Army (UALA) ba la ialam da u Norok kum u commander-in-chief, hynnin ka miet ki la leit hiar thma ia ka weight bridge ha Nengja, kaba don ha Nangalbibra jong ka South Garo Hills district. Ki la siat iap ia uwei u nongtrei weigh bridge bad ha shuwa ban phet ki buh ha syndah ka metiap ia ka shithi dawa pisa ba haduh T.50 lak. ki phet noh hadien kata. Ki pulit ki dang tohkit ia kane ka jingjia.
Iather kuli ki ehrang GNLA bad pulit ha ka shnong Sasatgre hynnin por 6:30 baje janmiet. Kane ka shnong ka jngai kumba 30 Km eiei na sor Tura, West Garo Hills district. Ka dei ka kynhun ba la ialam da u Baichung Marak, u Area Commander ka GNLA. Ym don ba iap bad ba mynsaw. Khynra dang iaid shaphrang.