Shillong, 03 Nailur:
Ki nongialam na kane ka jylla Meghalaya kila shah khot ha ki nongialam ka BJP sha Delhi ban iakren ban pynkhreh ia ka elekshon MLA kaban sa wan ha kane ka jylla.
Kine ki dkhot jong ka State Core Committee BJP Meghalaya ki kynthup ia u President Bah Shibun Lyngdoh, u Vice President u Edmund Sangma, u General Secretary Bah Bashailang Khongwir, u Treasurer u Sarwan Jhunjhunwala bad ka Executive Member Ka Kong Bianca Kyndiah.
Kine kin mih lashai ka sngi sha Delhi ban iakynduh ia u National President u Amit Shah, u National General Secretary u Ram Madhav, u Chairman ka NEDA u Himanta Biswa Sharma bad u Nalin Kohli ban iakren na ka bynta ban pynkhreh ia ka elekshon ha kane ka jylla.