Shillong, 4 Nailar:
Ki samla pule ka Sohra kolej kiba don hapoh ka lama jong ka Students’ Union of Sohra Govt College (SGCSU) ki la pynpaw ka jingsngew nguh ia ka jingkitkhia jong ka myntri kaba peit ia ka tnad DHTE ka kong Roshan Warjri kaba la lah ban pynpoi nonghikai ha katei ka kolej ha ka sobjek Education kumba la dawa. Ka la pynpaw ruh ka jingsngewnguh ia u MLA uba la ai bos bad kumjuh ruh u MDC ka Sohra u bah Donevan Kharwanlang uba ju don ryngkat bad ki ha ka por ba ki donkam khamtam ha ka jingiakhih ban wanrah nonghikai ha katei ka kolej.Kane ka long katkum ka kyrwoh khubor na u Public Secretary katei ka Union u Shanbor Shati.