Shillong, 4 Nailar:
U Ma Marki Mulieh MDC, ula ujor sha U Lat ka Jylla, halor ka jingthung kam beain jong ka Executive Committee jong U Ma Thombor Shiwat ha Jaintia District Council, ha kaba 79ngut ki nongtrei, ki la ioh kam kum ki Junior Engineer Grade-I , Grade-III bad Grade-IV khlem da pynbna paidbah ha ki kotkhubor.
U Ma Mulieh, ula ia kynduh ia U Lat ha ka 3tarik Nailar 2017 bad ula iathuh halor katei ka jingjia, ha Jaintia District Council bad U Lat ula pyntip, ba un sa leh ia kaba donkam bad ba U Lat ruh, u sngew ba ka dei ka jingjia kaba sniewbok shibun bad ba un sa tian bishar, ia kito kiba leh buhrieh ia katei ka jingthungkam ha katei ka Council.
U Ma Mulieh, u pyni ruh ba ka jingthung ia ki Dalloi/Sirdar bad ki Waheh Shnong, ka long kaba beain, ha kaba ki don na kitei kiba la shah weng bad ba la thung da kiwei pat, kat kum ka jingsngew bit jong ka JHADC.