Shillong, 2 Nailar:
Ka Khasi Students Union Mawkynrew Circle, ha ka 2tarik Nailar 2017, ka la ai daka jingthoh ujor sha u Labour Inspector ka Mawkynrew C & RD Block pyrshah ia ka jing pyntrei jong ki briew da ki bar jylla ki bym don iaka work permit haki jaka jong ka thaiñ. Ka seng ka pynpaw ka jing pyrshah kaba jur halor kane ka bynta bad kan nym ailad ia kino kino kiba shim kabu ban wan rah nongtrei daki nongwei bar jylla sha ka thaiñ. Kane ka jingleh jong ki katto katne ngut ki briew ka pynduh iaki lad kamai ja kpoh ki samla ka thaiñ bad kane ruh kan pynshlur iaka jing wan rung kyrthep jong ki bar jylla sha kane ka jaka baieid jong ngi. Halor kane ka bynta ka seng ka kyntu ia baroh ki nong ialam shnong ba kin ia snoh kti lang khnang ba ki nong wei barjylla kim nym iohlad ban bshuh khlieh sha ka thain jong ngi.