“Tantia” beh kam ia u mynder Ri, kem ia kiba don kti

Nongstoiñ, 2 Naitung:
Ki lai tylli ki seng bhalang kiba kynthup ia ka WKSU,WYF central body lem bad Ka HYC Nongstoin Circle, ki pynpaw ba kin ieng skhem bad kyrshan ia u samla Lukas Shangpliang, haduh haduh ba un da ioh ia ka hok halor ka jingshah shoh shah dat ha u Phareng uba dei u manager ka TANTIA Kompani bad ka jingshah rah bor ha u bah Be u para shnong jong u Lukas ban leit iasuk jubor bad u tei u Phareng.
U samla Mawkordor Kharsyiemlieh president Ka WYF sengkmie ha kajuh Ka por kum u nongaiktien ki lai seng u la ong ba ki Lai seng ki pynrem jur ia ka jing leh riewkhlaw jong ka tei ka company Tantia Limited bad katto katne ki nongbylla ryngkat u manager u Nick Harnett, u bah Be ki bala ia sylla ban pyn iasuk jubor ia u samla Lukas Shangpliang tang ban lait na ka jingshah kynthup ha ki lai tylli ki sengbhalang kiba la pdiang ia ka jingujor jong u tei u samla.
Na ka liang jong ki lai seng ki dawa ba katei ka kompany kaei ban beh noh mardor ia u tei u manager Phareng u Nick Harnett halor kitei ki jingjia bala shah iuh roit ia ka hok long briew man briew jong ki trai jylla bad ruh katei ka Kompani kadei ban siew bai lut ksan sha ki ba haiing ha sem jong u Lukas namar ka jingmynsaw, jingshitom ha ka por ba u tei u manager u la shoh ia u lym kumta ki lai seng kin shim da ka rai kaba tyngeh.
“Ka jingleh jubor jong kitei ki ing khong shallang mat kan kynthoh kylla ia ki hi ha ka ba ki la pynpaw pyllein ia ka jingshet kylla ia la u para doh para snam tang namar ka jingsngew myntoi ka jong ki shimet,da kaba kim khein shuh ia ka jingiatip lem haba shah noin bein iala u para ri la jong ha kti u mynder ri shi sngi pynban ki iada rap jot im im peit peit ban pynksan ia u tei u nong pharia ia ka jaitbynriew rit pait jong ngi” ong ka kyrwoh na u samla Mawkordor.
Shuh shuh ki lai seng ki la kyntu ruh ia ka tnad pulit ba ka dei ban kem kum ia ki tei kiba la rahbor ia u Lukas ban pyniasuk jubor bad katei ka kompany bad ha kajuh kapor ki lai seng ki kyntu ia ka tnad pulit ba kan ai kajing iada ia u tei u samla ioh ba ki riew shim kabu kin sa thombor bad rahbor biang ia u ha kano kano kapor halor ka jingphla jong u ia ki jingshisha.