Ka jingiap ba phylla ia arngut ki hep rit ha Shangpung

Jowai, 27 Jylliew:
Ar ngut ki hep rit iba 8 snem antad bad iba dang 5 snem eiei antad ki la iap ka jingiap kaba phylla bad kane ka la pynlyngngoh ia ki paidbah ka shnong Khliehrangnah, Shangpung.
Ka tyllong khubor ka la iathuh ba ia ka metiap jong kitei ki ar ngut shipara la lap na kawei ka jaka rudnong bad mynta hi ka sngi khlem da pyntip sha ki bor pulit ki la pynkhuid noh ia ka met jong ki ha Lum Thangbriew ka shnong.
La iathuh shuh shuh ba kitei ki hep ki la jah rngai na ka liang 2 sngi mynshwa hynrei na ka liang ki kmie ki kpa kim shym la wad ia ki.
Ka tyllong khubor ka la iathuh ruh ba ka kmie bad u kpa kitei ki hep ki ju shoh palat pud ia ki haduh ba ki marjan iing ki la isynei bha ia ki.
La ong ruh ba na ka liang ki katto katne ki rangbah ki la ai jingmut ia ki ba haiing ba kidei ban pyntip sha ki pulit hynrei ki kmie ki kpa jong kitei ki hep ki la kyntait.