Pluh ka Ophis u DTO Jowai

Jowai, 27 Jylliew:
Mynta ka step phyrngap ha ka por kumba 4 baje eiei ka Ophis jong u DTO ka Jowai ka la pluh ding bad baroh ki kot ki sla kiba don ha kawei ka kamra ki la ingkhong lut khait.
Da ka jingiarap ki pulit pynlip ding la lah ban khang lad ia ka ding ban pur sa sha kiwei pat ki kamra treikam katei ka ophis.
Ia kane ka jingjia la iohi nyngkong eh da u Chowkidar katei ka Ophis.
Ia ka daw ym lah ban tip hynrei la suba ba ioh lehse kadei ka jingthut ka bor ding. Ki pulit ki dang tohkit ban lap ia ka daw.