“T.500, T.1,500 dain ia ki trok ha Umtyrnga”

Shillong, 27 Jylliew:
Ka jingthew ia ki trok kit mar, ka jia ar sien tang ha ki jaka ba marjan bad katei ka dei ha Umtyrnga bad ha ka jingkieng thew ha 7mer bad ha katei ka jaka thew, la ju oh dor hapdeng ka T.500 haduh T.1,500 ia kawei ka trok, wat la ka dor ba ki dei ban shim ka long tang T.200 ia kawei ka trok.
Katei ka juh ka trok, kaba la dep thew ha Umtyrnga, la thew biang ynda poi ha 7mer bad haba la pyni ia ki slip ba la dep thew ha Umtyrnga, kim juh shim pisa biang sa shisien, ong ka kyrwoh na U bah Augustine Shanpru, President ka Meghalaya Commercial Truck Owners and Operators Association.
U Bah Shanpru, u buh ia ka jing ujor sha U Commissioner of Transport jong ka sorkar Meghalaya, halor katei ka jingpyndip jong katei ka jingkieng thew ha Umtyrnga.