Nga kyrshan PDF, ban ia treilang bad ka Congress ngam treh:Equator

Shillong, 23 Jylliew:
“Nga kyrshan PDF, ban ia trei lang bad ka Congress ngam treh” ong U bah Equator Nongrang, MDC jong ka Mairang, haba iakren bad U Rupang mynta ka janmiet. U Bah Nongrang, u ong shuh shuh ba ka rai jong ka seng UDP ruh, ka dei halor katei ka nongrim, ban pyn khyllem ia U bah PN Syiem bad ban thaw da kawei pat ka kynhun synrop jong ki seng trai ri, tangba ym dei ban ia treilang bad ka Congress lane ka BJP.
Halor ka jingpep dorbar jongu, hynnin ka sngi, U bah Nongrang, ula ong shuh, ba kam dei ba u pep khnang, hynrei ba u leit ban rah ia ki kot dawai jong ka kurim jongu sha Guwahati, ka bym don ia ka met kaba koit ba khiah ha kine ki sngi. Ha kajuh ka por, U Bah Nongrang, u kren shai “Nga dei U MDC UDP bad nga trei shitom, na bynta ka UDP, naduh dang khynnah nga dei uba ieng halor ka nongrim jong ki seng trai bad nga dei u UDP paka”.
Haba la kylli, la ki la don ne em, ki nongialam UDP, kiba la wad ia u, hadien ba u pep dorbar, hynnin ka sngi, U bah Nongrang, ula ong “Em”.
Kiwei pat ki lad khubor, ki iathuh ba ka jing ia treilang jong ki seng trai ri bad ka Congress, hynnin ka sngi ha iing dorbar, ka dei ka rai hi jong ki katto katne ngut ki MDC bad kam dei satia ka rai jong ka seng hi baroh kawei, lane kaba U President jong ka seng UDP, u mynjur.
Ka dei, nga kyrshan pdf, ban form bad ka congress ngam treh. Lada lah ban phom, lah kren shai ha u bah pynshngain. Pep hynnin, ba shitom menkmie ba leit rah report sha guwahati. Nga dei mdc udp, trei shitom na bynta udp. Ym pat don ba wad, naduh khynnah original minded, pat kyrshan nga dei udp paka. Ban pynhap pn thawalliane non congress, non bjp. Ka rai ka parti ka long kumta.