Kliaw peit ka sorkar ha KHADC; lah ban poi ka synshar Administrator

Shillong,20 Jylliew:
Ki lad khubor ki la iathuh ba ka sorkar jylla ka shu peit kliaw ia ka jinglong jingman ka saiñpyrthei ha KHADC kumba ka long mynta bad la ong ba lada jia ba ka kynrum kynram kam poi shaba kut ka lah ban poi pynban sha ka synshar Administrator ruh, ong khubor. Ki lad khubor ki la iathuh ruh ba sorkar jylla kaba lamkhmat da ka seng Congress ka dang peit pyrman bha ha KHADC hadien ba ki seng riewlum ki la mih noh na ka PDF kaba bat ia ka bor synshar naba kumba ka long mynta ka liang synshar bad ka liang pyrshah ka don ia ka juh ka nombar, la iathuh ba lada ym pat lah ban pynkut ia katei ka kynrum kynram ka sorkar ka la pynkhreh lypa ban wanrah da ka synshar Administrator.
Lah ban kdew ba mynhynnin ka sngi ka UDP ,HSPDP, KHNAM ki la weng noh ialade na ka PDF, ka UDP ka don 4 ngut ki MDC kiba la mih noh, ka KHNAM 1 bad ka HSPDP sa tang 2 ngut, kitei baroh ki don mynta 7 ngut. Nalor jong kitei u don sa u MDC shimet u bah Pyniaid Sing Syiem ka Sohryngkham bad 6 ngut ki Congress kaba mut haduh mynta ki dang don dang 14 ngut hynrei ka liang pyrshah ka la kam ba ka don ia ka jingbun briew bad kumta kan wanrah da ka jing bym shaniah shuh ia kane ka EC, lashai ka sngi.