12 kynta, pakhang shnong ka GSU

Shillong,18 Nailar:
Ka Garo Students Union (GSU), Western Zone, ka la khotia ka pa khang shnong kaba 12 kynta ha Dandengre bad katto katne ki jaka jong ka South West Garo Hills District. Ka GSU ka la khot ia katei ka pakhang shnong ha ka sngi nyngkong ka 19 tarik mynta u bnai. Katei ka pakhang shnong kan sdang naduh ka por 5 baje mynstep haduh ka por 5 baje janmiet, katei ka pakhang shnong kan treikam ruh ha ki surok bah National highway 51.
Ka GSU ka la khot ia ka pakhang shnong kum ka dak ka jingdawa ban weng noh ia u BDO ka Salsella u Dr.Roy bad ha kajaka jong u ka la dawa ba dei ban wanrah biang da u Albert G Momin u BDO barim katei ka Block.
U President ka GSU Western Zone u Rupa Marak u la pyntip ba la pynlong ia katei ka pakhang shnong ban pynbor ia ka sorkar ban pynurlong ia ka jingdawa jong ki ban weng noh ia u Roy bad ban wanrah da u Momin.Halor kitei ki jingdawa ka seng ka la pan ruh ka jingkyrshan kaba khlain na ki paidbah. Ka seng ruh ka la ong balda ka sorkar kam sngap ia ki jingdawa jong ka kan iai bteng ia ki jingiakhih bad ki jingdawa ban pynkohnguh ia ka sorkar.