Bitar ka JSM, ba mih iingmane Muslim harud wah Myntdu

Shillong, 13 Jylliew:
Ka Jaintia Students Movement (JSM) Central Body, ka pynpaw ia ka jingsngew pyrshah jur jongka, ia ka jingtei ia ka iing mane ki Muslim ha ka sor bah Jowai.
U Bah Leningstar Rymbai, President ka JSM, u pynpaw, ba ula kyndit ban ioh khubor lyngba ka “Whatapps” kaba iathuh ba U Bah Sayeedullah Nongrum, President ka Shillong Muslim Union, ula plie ia ka iingmane Muslim, ha ka 9tarik Jylliew, ha kaba la die ia katei ka jaka, da U Shai Suchen sha ki riewngeit Muslim. U President ka JSM, ula tohkit bad la lap ba ia katei ka iingmane, la tap da ki tin, kaba hap ha ka dorbar shnong jong ka New Hill bad ka dei kaba heh don kumba 50 phut najan ka Wah Myntdu bad la iohi, ba ka don ka jingtrei kaba dang iaid shakhmat ba kynthup ia ka surok bad ka painkhana bad haba la ia kynduh ia U Ma Jerry Pasah, Waheh Chnong Jerry, ula iathuh ba um tip satia ia ka jingdie ia katei ka jingdie jaka.
Na ka liang ka JSU, ka lyngngoh, ba haba ka NGT Eat Zone, ka la hukum ba ym bit ban tei iing hajan ka wah Myntdu, hynrei, ha kano ka dur, ba ka mih pynban katei ka iingmane Muslim.