Shah kem sa uwei, ba pyn mareh thok da uwei ha ka ialeh pulit

Shillong, 4 Jylliew:
Hynnin ka sngi, la ioh kem biang sa ia U Bah Shainborlang Syiemiong, uba na Jakrem, uba dei uwei uba leit iakob ban ia mareh kam pulit bad ka daw, ka long namar ba ula phah mareh lem na ka bynta jongu ha U Bah Rolin Wahlang, uba dei uwei na ki para marjan jongu, na katei hi ka Shnong.
Da ka jingshah kem jong U Bah Shainborlang, kumta kiba shah kem mynta, ki la poi baroh sha ka 4ngut, na ka jingleh thok, ha ka jing ia mareh kam pulit.Ha ka taiew ba ladep, lai ngut ki samla ki la shah kem, kiba la tip kyrteng kum u Estanrilin Sohphoh, u Tynshainlin Wanniang bad u Marvelous Kharjahrin kiba dei na thaiñ Mawkyrwat.
Kine kiba shah kem ki dei kiba ialeh ia ka eksamin kam Follower kaba lait kumba 2 hajar tylli ha kane ka tnad. U Bah Lakador ba kine ki samla kiba shah kem ki dang don ha ka jingtohkit ba kham bniah jong ki pulit bad ka Board ka la khang lad ruh ia ki ba kim lah shuh ban aplai kam ha ka tnad pulit nangne shakhmat.