Bha ba pan map, ban lait ka T.1klur, nongkyrshan U MLA Nongstoin

Nongstoiñ, 04 Jylliew:
Halor ka jingshah dawa kaba T.1klur jong ka kong F Marngar, ha U MLA Nongstoin, kumta ki nongkyrshan jong U MLA, ki la pynsngew ba kan bha ba ka kong Marngar, kan leit pan map noh na U MLA, ba kan lait na katei ka jingsiew bai mynraiñ khmat ia u MLA kaba long 1 klur tyngka.
Ka kyrwoh ba la phah da u bah Barly Nongum K. Dkhar lem bad kiwei kiba dei ki nongkyrshan ba radbah jong u tei u MLA, u la ong ba kan bha shibun ia ka kong F. Marngar ba kan shu leit pan map noh ia u MLA namar ba ym don shuh da kiwei pat ki lad ki lynti namar ba katkum ka section 499 bad 500 ter ter haduh 502 jong ka Indian Penal Code, la khang pyrshah iano iano ruh ban kren ia ki kyntien kiba ktah ia ka longbriew man briew bad kiba shah ujor hapoh kitei ki kyndon ain kin hap ban siew katno katno ruh katkum ka jingbatai ha kitei ki kyndon ym ba u nongshah kren un dawa hynrei ka aiñ ka dawa. Shuh shuh katkum ka kyrwoh la ong ruh ba nalor kata kitei ki kyndon aiñ ki kdew shai ruh ba yn pynshitom bad set byndi ar snem khlem jamin lem bad ka jingshah daiñ kuna katba shah ka kam, hynrei u MLA u khlem kwah satia ban iaid lyngba ka ejahar sha ki bor ka aiñ, hynrei u la pynjynsur tang lyngba ka jingphah pan map bad ai legal notis, hynrei katei ka longkmie kum ka riew kynthei, kam shym sngap satia bad pyneh pynban. “Ha kaba iadei bat katei ka legal notis hap ban bud beit ïa ki kyndon aiñ khamtam kiba iadei bad ka longbriew man briew namar na ha ka ri synshar paidbah ym dei ban kren kynthoh palat iano iano kampher lada dei u nongtrei sorkar, u draibar, u daju lane uno uno ruh” ong ka kyrwoh na ki nongkyrshan u MLA ka Nongstoiñ.