7lak ton u dewiong, uba dang sah, pan por ban kit sa 6bnai

Shillong, 28 Jymmang:
KA State Co-ordination Committee of Coal Owners, Miners & Dealers Forum (SCCCOMDF) lyngba ki stad ain jong ka Seng, ka la dep buh ia ka dorkhas ha ka 25tarik mynta u bnai, ha Supreme Court, na ka bynta ban kyrpad pynjlan por shuh sa kumba 6 bnai ban ioh kit bad leit die ia U dewiong bala dep sei. Ka iing bishar badonburom jong ka Supreme Court ha ka 21tarik mynta u bnai, ka la dep ai por ban shah kit ia U mar dewiong bala dep sei haduh ka 31tarik Jymmang 2017. Na ki tyllong khubor jong ki bor Sorkar la iathuh kumba ka long mynta dang don sa kumba 7/8 lak ton eiei u dewiong uba dang sah ban pynkit. Ka jingbym lah jong ki nongkhaii dewiong ban pyndep kumba la bthah ka long na kiba bun ki daw ki bym lah kiar, kumta ka Forum kam banse ban thaw lad leit kyrpad biang ia ka iing bishar ka Supreme Court ban ai lad biang sa kumba 6 bnai eiei.
Hadien bala dep pdiang ia ka dorkhas jong ka Forum da ka iing bishar Supreme Court ha ka 25tarik mynta u bnai, la khmih lynti ba yn sa shong bishar ha U bnai Naitung (July) 2017.