Ujor ka Chiliang Raij ba jyllei ki ksew shang makia

Jowai, 26 Jymmang:
Ka dong Chilliang Raij mynta ka sngi ka la leit buh ia ka jingujor sha u Deputy Commissioner ka West Jaintia Hills halor ka jingjyllei palat ki ksew shang makia hapoh ka dong bad kumjuh ha ka nongbah Jowai hi baroh kawei.
U Secretary ka dong Chilliang Raij, u la ong ba ka jingbun kine ki ksew shang makia ka la buh jingma ia ki paidbah naduh ki khynnah skul bad ki rangbah.
Kitei ki ksew shang makia ym tang ba ki la buh ia ki paidbah ha ka jingma hynrei ki la wan rah ruh ia ki jakhlia bapher bapher sha phyllaw iing ba shong briew.
Ki kmie ki kpa ruh ki don ha ka jingsyier ban phah skul ia ki khun jong ki ba tieng ioh shah dait ha kitei ki ksew bym don trai. Na ka liang ka dorbar shnong lyngba u ma A. Lanong uba dei u Secretary ka Chilliang Raij u la kyntu ia u DC ban shim khia halor kane ka jingeh jong ki paidbah.