Shah kem u heh ka PUA, dawa 2 klur na u malik EJH

Jowai, 25 Jymmang:
Uwei na ki heh ka Pnar United Army, uba donkti ban dawa pisa haduh 2 klur tyngka na uwei u malik ka thain Nongkhlieh, u bah Forester Pajuh ula shah kem noh mynta ka meit ha ki pulit ka East Jaintia Hills.
Utei u heh ka PUA, udei uba la tip kyrteng kum u Emiwot Nongtdu uba dei ruh na ka shnong Khliehriat West. Ka Khubor na ki pulit na EJH, ka la iathuh ba la iohkem ia utei u runar na ka shnong Rattacherra.
Kane ka long ka jingjop kaba khraw ia ki pulit ka East Jaintia Hills namar ka jingdawa pisa na utei u malik ka thain Nongkhlieh ha ryngkat ka jingbyrngem byrsit kaba shyrkhei la iohkem khamtam na ka bynta ban pynduh noh syndon ia ka kyrteng shu thaw kaba la tip kum ka Pnar United Army kaba la kam da u nongthoh ia ka shithi dawa ba kidei ka kynhun Mafia na ka daw jong ka NGT ban.
Ki Pulit ka EJH kin dang tohkit bniah ia utei u Nongtdu ban iohkem ia kiwei kiwei de kiba donkti ban dawa pisa na utei u malik khamtam ban tip bniah halor katei ka Pnar United Army kaba la ju dawa pisa ruh na uwei u heh spah ka thain Jalaphet ha ki ar lai snem ba ladep.