Siang rong ka Dhar dang 1bnai, khoh ka surok Upper Shillong

Shillong, 23 Jymmang:
Ka FKJGP Upper Shillong Circle hadien ka jing peitngor mynta la katto katne por naduh ba la sdang ban maramot, ia ka surok bah Upper Shillong naduh 7mer ter ter shaduh ki bynta ha shwa ban poi Lummawbah da ka Dhar Construction; hynrei kaba pynlong ngoh ia ka Seng ka long ba wat la ka jing maramot ia ka surok bah Upper Shillong, kam pat dap satia wat tang shibnai ruh, hynrei kiba bun ki bynta jong katei ka surok ki la khoh bad pei thliew lut kaba la nang pyn sniewdur shuh shuh bad ka la ktah ruh ia ka iaid ka ieng khamtam ha ki bynta naduh Laimer Shiteng haduh shwa ban poi ha Gorkha Secondary School, bad kaba la wanrah jingma ia ka jing ia tyngkhuh kali kaba khah khah khamtam eh ia ki Thuk2 lane ki kali Ar shaka.
Ha ka 23tarik Jymmang 2017 ki Nongialam jong ka Upper Shillong Circle hapoh ka jingialam jong u Samla Kitboklang Nongphlang, FKJGP President Upper Shillong Circle ha ryngkat ka jing ia donlang u Bah Y. Lyttan, SDO PWD Road, National High Way Division ki la pynlong ia ka jing leit jurip ia baroh ki bynta jong ka Surok bah Upper Shillong ba dang shu dep siang rong dang shen da ka Company Dhar Construction, ha kaba na ka liang jong ka Seng ka la dawa na ka Tnad PWD ba kadei ban hukum mardor ia ka Company Dhar Construction ba ka dei ban maramot biang ia ki bynta kiba la jot hynrei ka seng kala buh kyndon pat ba ka Tnad PWD kam dei ban shu pyn syrwa kai ia ka pisa jong ka Sorkar Jylla ban buria ia ki jinglut jing sep namar kine kiei kiei baroh ki wan jia namar ka jing thurmur jong ka Company.