Siat iap ka GNLA ia u nongsyntiat

Shillong,13 Nailar:
Dang khyndiat sngi ha ka 9 tarik mynta u bnai ka kynhun kieng atiar ka GNLA ka la siat iap ia uwei u rangbah uba la tip kyrteng kum u Simon Ch Marak hadien ba la wan sei jubor na ing sah jong u namar ka jingsuba ba u dei u nongsyntiat ki pulit.
Hynrei katei ka jingjia ka la nang iai bteng ha kaba mynhynnin ka sngi sa uwei pat u rangbah uba la tip kyrteng kum u Hawart G Momin u la shah siat iap hakatei ka kynhun lehnoh ba la ialam da u Jimmy ha Rongjeng, kaba hapoh Chibilbang, East Garo hills district. Katkum ka tyllong khubor la ioh jngtip ruh ba ka GNLA ka la ngang pynrung bun ngut ki dkhot ban ai hikai sha ktei ka kynhun jong ka.