Shah kem u myntri barim ka AP, ba kren bein kynthei

Shillong, 12 Nailar:
U myntri kampoh iing ka jylla Arunachal Pradesh u L Wanglet u la lait jamin noh hynne hadien ba u la shah kem ha ki pulit da kaba pyn shong nongrim na ka FIR ba la ujor da ka Kong Agnes Kharshiing halor ka jingkynnoh ba u kren khlemakor ia ki kynthei ba ap pahara ha madan Shillong Golf Course ha Golflink.
Hynrei u Wanglet kham hadien la pynlait jamin noh.Haba pynthikna ia kane, na ka liang u SP ka East Khasi Hills u Bah Mariahom Kharkrang u la ong ba ki pulit ki la kem ia u halor ka ejahar ba la ujor da ka CSWO.
“U Wanglet kham hadien ba la shah kem, la pynlait jamin noh namar ba ka kam ba u leh ka long kaba lah ban ioh jamin” la ong u Bah Kharkhrang.
Lah ban kdew ba u Wanglet u la shah kynnoh ba pyndonkam da ki ktien khlem akor ia ki kynthei ba ap pahara ha madan Golflink ha kine ki sngi ba la dep.
U Bah AL Hek ruh uba dei u president ka Shillong Golfer’s Association (SGA) u la pynpaw ia ka jingbym sngew iahap ia ka rukom beh kam ia ki kynthei ba ap pahara tang namar ba ki la nud ban ujor pyrshah ia ka jingkren khlem akor ia ki da u myntri kampohiing barim ka Arunachal Pradesh L Wanglet.
U Bah Hek u la ong ka bor pyniaid jong ka Shillong Club ka la shim ia ka rai tang hadien ba la ioh ban sngap ia baroh ar liang. Hynrei kumba ka long mynta ka shu shim tang ia ka jingkren jong u L Wanglet.