Shillong,11 Nailar:
U Gopal Krishna, Citizens Forum for Civil Liberties (CFCL) u la phah ia ka shithi jong u sha u Chairman,Press Council of India (PCI), Soochna Bhavan, Lodhi Road, New Delhi bad sha u dkhot ka PCI,New Delhi ban sangeh shisyndon ka jingpynrung kyrteng ha ka UID/Aadhaar number na ka bynta ki nongthoh khubor da kaba ong ba kane ka jingpynrung kyr teng ia ki nongthoh khu bor ka pynkhein ia ki kyndon ba iadei bad ki.
Utei u dkhot ka Citizens Forum for Civil Liberties (CFCL), u la pynpaw ruh ia ka jinglyngngoh ia ka buit jong ka Delhi Journalists Association (DJA) bad ka Indraprastha Press Club of India ha ryngkat ka jingpam jingkyrshan na ka Indian Medical Association (IMA) ban pynrung kyrteng ia ki nongthohkhubor ha ka to biometric Unique Identification (UID)/Aadhaar nombar da kaba kam ruh ba katei ka jingthmu ka long kaba be-ain.
Ha ka jingthoh ba la phah sha u Chairman ka PCI, u Krishna u la ong ba katei ka jingkyrshan ka IMA ka ia syriem ia ka rai jong ka German Medical Association ban kyrshan ia ka jingleh pyntriem jong ka kynhun ka koit ka khiah kaba ka la leh ha ka snem 1930 bad 1940 ha ka por ba dang hap hapoh ka jingsynshar ki Nazi ha kaba ki la phai dien noh ban pyndem hadien 75 snem. U Krishna u la ong ruh ba ka IMA kan hap ban lehkumjuh hadien.
U Krishna ula ong ruh ba ka Aadhaar/UID ka dei tang ka jingpynithuh tang da ki 12 tylli ki nombar bad kam dei ka card. Kum katei ka skhim ka dei kaba la pynduh ha ki Ri Australia, Bilat, France bad China namar ka la wanrah ia ka jingkulmar ha ka jingwad jingtip. U la pynkynmaw ruh ba ha u Naiwieng jong u snem ba la dep u Chief Justice bad u Justice jong ka Supreme Court u J Chelameshwar u la pyntip sha ka tnad pla tyngka, planning Komishon bad ka UIDAI da ka PIL bad kumjuh ruh u Nongbishar ba la shongthait ka Karnataka High Court u la kynthoh ba ka sorkar ka la shim rai dalade hi khlem da ia kren bniah ha ka Parliament.
U Krishna u la pynshai balei ba ki riew ieid ri ki pyrshah ia ka jingpyndonkam ia ka UID/Aadhaar, National Population Register (NPR), National Intelligence Grid (NATGRID) and National Counter Terrorism Centre (NCTC) ka daw ka dei namarba katei ka Aadhaar ka ktah ia ka jinglong shimet barieh jong u briew, ka shongsuk shong shngain,ka dei ka jingpynkhein ia ka hok longbriew manbriew bad kaba lah ban wallam sha ka jingsniew sha ki nong shongshnong kaba lah ruh ban pynshitom ia ki kum ki koidi.
U Krishna u la ong ruh ba katei ka ain thymmai ka lah ruh ban pynkylla ia ka pisa paidbah sha ka pisa shimet jongno re jongno.
Ka ka CFCL ka la dawa ia ki jingkhein jingdiah jong ka UID Authority of India kaba naduh u kyllalyngkot 2009 haduhmynta. U la pynkut ruh da kaba ong ba baroh ki sorkar jylla, ki tnad sorkar bad ki seng ba kin kyntait war ia katei ka project jong ka UID.
Phi don ban ong eiei?